សាកលវិទ្យាល័យអន្តរជាតិ ឌូវី ប្រទេសកម្ពុជា បានរៀបចំពិធីសម្ពោធជាផ្លូវការកម្មវិធីសិក្សាសមមូល ២+២ ជាមួយសាកលវិទ្យាល័យ Kent State សហរដ្ឋអាមេរិក នាថ្ងៃសុក្រ ១៣ រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៨ ខែមីនា ឆ្នាំ២០២៤ ។ ក្រោមអធិបតីភាពដ៏ខ្ពង់ខ្ពស់៖ -ឯកឧត្ដមបណ្ឌិត ទូច វិសាលសុខ រដ្ឋលេខាធិការក្រសួងអប់រំ យុវជន និងកីឡា តំណាងដ៏ខ្ពង់ខ្ពស់របស់ ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា -ឯកឧត្តម ផេង សិទ្ធី អភិបាលរង នៃគណៈអភិបាលខេត្តបាត់ដំបង តំណាងដ៏ខ្ពង់ខ្ពស់របស់ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង -ឯកឧត្តម ហ៊ឹល រ៉ាយ៉ា អភិបាលរង នៃគណៈអភិបាលខេត្តបន្ទាយមានជ័យ តំណាងដ៏ខ្ពង់ខ្ពស់របស់ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ -ឯកឧត្តមបណ្ឌិត ហែម ឬទ្ធី អភិបាលរង នៃគណៈអភិបាលខេត្តប៉ៃលិន តំណាងដ៏ខ្ពង់ខ្ពស់របស់ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន -លោក យូ វីរៈ អគ្គនាយករង នៃអគ្គនាយកដ្ឋានឧត្តមសិក្សា -លោកស្រី Gwendolyn Higaki ប្រធានក្រុមប្រឹក្សាភិបាល នៃសាកលវិទ្យាល័យអន្តរជាតិ ឌូវី -លោក ខែម រស្មី ស្ថាបនិក និងអគ្គនាយក នៃក្រុមហ៊ុន ឌូវី អ៊ិនធើណេសិនណល -លោក Vernon Higaki សមាជិកក្រុមប្រឹក្សាភិបាល នៃសាកលវិទ្យាល័យអន្តរជាតិ ឌូវី -លោកស្រីបណ្ឌិត Melody Tankersley សាកលវិទ្យាធិការរងជាន់ខ្ពស់នៃសាកលវិទ្យាល័យ Kent State សហរដ្ឋអាមេរិក -លោកបណ្ឌិត Marcello Fantoni សាកលវិទ្យាធិការរងនៃសាកលវិទ្យាល័យ Kent State សហរដ្ឋអាមេរិក និងមានការចូលរួមពីសំណាក់ ទ្រង់ឯកឧត្ដម លោកជំទាវ លោក លោកស្រី អ្នកនាងកញ្ញា ដែលជាថ្នាក់ដឹកនាំខេត្ត មន្ទីរ ស្ថាប័ន ក្រុមហ៊ុនឯកជន គ្រឹះស្ថានសិក្សាសាធារណៈ គ្រឹះស្ថានសិក្សាឯកជន ម្ចាស់អាជីវកម្ម លោកគ្រូ អ្នកគ្រូ និងមាតាបិតា អ្នកអាណាព្យាបាលសិស្សយ៉ាងច្រើនកុះករផងដែរ។ គណៈគ្រប់គ្រង និងបុគ្គលិកគ្រប់លំដាប់ថ្នាក់ទាំងអស់ ពិតជាមានសេចក្ដីសោមនស្សរីករាយក្រៃលែង និងសូមគោរពថ្លែងអំណរគុណយ៉ាងជ្រាលជ្រៅបំផុតចំពោះវត្តមានដ៏ឧត្ដុង្គឧត្ដមរបស់ ទ្រង់ឯកឧត្ដម លោកជំទាវ លោក លោកស្រី អ្នកនាងកញ្ញា ដែលជាអធិបតី គណៈអធិបតី ភ្ញៀវកិត្តិយសជាតិ និងអន្តរជាតិទាំងអស់។
Read More
